Kommunen vil informere om at det no i haust vil bli endringar i tidsperioden for hald av beitedyr i utmark. Det tørre klimaet i sommar har gjeve vesentleg avlingssvikt, dermed er det nødvendig å hauste mest mogleg fôr i utmarka før sanking. Det vanlege er at det meste av småfe er sanka innan 10. september, då småviltjakta startar. I år vil lam bli sanka inn som vanleg, medan søyer blir sendt ut att i utmarka, for så å bli gåande ute så lenge det er beite tilgjengeleg. Søyer utan lam vil truleg samle seg i større flokkar, og dyra går med bjeller, så dei vil vere lette å lokalisere.