2004 starta ein omfattande renoveringsprosess som vart avslutta våren 2006.
Skulen er i åra etter dette oppgradert med nytt inventar, utstyr og undervisningsmateriell.
I 2012 sto Etnedalshallen ferdig og denne nyttar vi dagleg. Nytt garderobebygg i samanheng med symjebasseng og gymnastikksal vart ferdig i 2013.
Arbeidet med å oppgradere uteområdet pågår og vi ynskjer at dette skal framstå som eit triveleg og trygt område for leik, læring og fritid.

Skulen er organisert med ei klasse på kvart årssteg frå 1.klasse til 10.klasse. Skuleleiinga består av rektor/einingsleiar og undervisningsinspektør. Kontoret har merkantil i full stilling. Lærarane er organisert i tre team med kvar sin teamleiar: småskulesteget, mellomsteget og ungdomssteget. Dei tre teamleiarane utgjer skulens utviklingsgruppe saman med rektor og inspektør.

Skulen framstår i dag som ein moderne opplæringsarena.
Alle klasserom har digital tavle og alle elevar frå
5. - 10. klasse har eigen PC. Dei yngste elevane har også god tilgang på PC og Ipad i læringsarbeidet. Hovudmålet ved skulen er nynorsk.